အဖေ့အတွက် တမ်းတခြင်း

'အဖေသိခဲ့ရင်လေ''

တစ်ချိန်တုန်းက သားအဖနှစ်ယောက်ဟာ
ခြေသလုံးအိမ်တိုင်နဲ့ ဘ၀ကိုဖြတ်သန်းခဲ့တုန်းက
အဖေ့ရဲ့ဖ၀ါးတွေဟာ သားတစ်ယောက်အတွက်
မျှော်လင့်ခြင်းရဲ့ မနက်ဖြန်တွေပါဘဲ.......

ဒုက္ခဆိုတဲ့တရားကို ရင်ဆိုင်နိုင်ဖို့
စကားခါးခါးတွေသုံးတတ်တဲ့ အဖေ့ရဲ့လေသံတွေမှာ
သား တို့အတွက်ဆိုတာ

အဖေ့မျက်ဝန်းတွေက သိစေချင်နေတယ်လေ......
တကယ်တော့.....
အဖေဆိုတာဝမ်းနဲ့ မလွယ်ခဲ့ရပေမဲ့
ချွေးနဲ့လွယ်ခဲ့ရသူ တစ်ယောက်ပါ...
လူတွေထဲက လူတစ်ယောက်ဖြစ်ဖို့
လောကရဲ့ တတ်သင့်တဲ့ပညာတွေသင်ပေးရင်း
အသိတရားတွေကို
နှလုံးအိမ်ထဲ စိမ့်ဝင်စီးဆင်းစေချင်တဲ့
အဖေပေါ့......
ဒါပေမဲ့...
ခွေးမြှီးကောက် ကျည်တောက်စွပ်
ကျွဲပါးစောင်းတီး တက်တဲ့
သားသမီးတွေအကျင့်ကြောင့် အဖေ့မေတ္တာရေတွေ
ကုန်ခမ်းသွားမှာ မဟုတ်ဘူးဆိုတာ
ကျွန်တော်သိတယ် အဖေ........
ဇရာထောင်းခဲ့ပေမဲ့ လက်အိုတွေကမ်းလှမ်းရင်း
နောက်ဆုံးထွက်သက်အထိ ဖေးကူစောင့်ရှောက်ချင်တဲ့
သားသမီး တို့ရဲ့အဖေ

နေ၀င်ချိန်အထိ စိတ်မချခဲ့ဘူးမဟုတ်လား....
သမုဒ္ဒရာဝမ်းတစ်ထွာ ရုန်းကန်ရှာဖွေရင်း
အားအင်အပြည့်နဲ့ အပြုံးတချက်
နှုတ်ခမ်းအထက်မှာ တပ်ဆင်ရင်း
ထမင်းလက်ဆုံစားခဲ့ဖူးတဲ့ နေ့တွေ
သား ... မမေ့သေးဘူး အဖေ.....
မျက်ရည်တစက် အဖေ့အတွက်တဲ့....
ဒီကဗျာရေးတိုင်း
ကျခဲ့တဲ့ မျက်ရည်စတွေက
သတိရမှု အထိမ်းအမှတ်တွေလား
သား မသိဘူး.....
သား သိပ်လွမ်းတယ် အဖေ...
လောကဒဏ်ကို အံတုတုန်း
အထိနာခဲ့တဲ့ အချိန်တွေမှာ
နာကျင်စွာ အော်ဟစ်ရင်း
အဖေ့နားကို အပြေးလာချင်တဲ့
သား ရဲ့စိတ်တွေ အချိန်လွန်မှ
ပြန်လှည့်ချင်တဲ့ နာရီပေါ်ကလက်တံတွေနဲ့
တူနေလေရဲ့.......

အဖေ....
နောင်တဆိုတာပြင်ဆင်ခွင့်တော့ ရှိပါတယ်
ပြန်ဝယ်လို့မရဘူး
အနာဂတ်တော့ရှိပါတယ်
အတိတ်ကိုတော့ မေ့လို့မရတဲ့
စကားလုံးမျိုးပါ
အဖေ.....
အဖေမရှိခဲ့ရင်တောင်မှလေ....အဖေ့သားဟာ
သမိုင်းအသစ်ဖွင့်မဲ့ စာမျက်နှာတွေမှာ
အဖေစကားသံတွေ နားထဲအထပ်ထပ်သွပ်သွင်းရင်း
ဘ၀ရဲ့အကြိမ်ကြိမ် စိမ်ခေါ်မှုမှာ
လျှောက်လှမ်းနေဆဲ ဆိုတာ
အဖေ သိခဲ့ရင်လေ.............
သားရဲ့ အဖေ့အတွက် တန်းတခြင်းတွေဟာ...
....ကမ္ဘာတည်နေသမျှပါ..........................


♥♥♥အောင်အောင် ♥♥ မကစ ♥♥