လေဖြတ်မည့် ရှေးပြေးလက္ခဏာများနှင့် ကြိုတင်ကာကွယ်နည်း (၃)သွယ်

လေဖြတ်ခြင်း (Stroke) အနောက်တိုင်း ဆေးပညာအခေါ်အားဖြင့် (Paralysis) ခေါ်
ရောဂါသည် မြန်မာပြည်တွင်သာမက ကမ္ဘာနှင့်အ၀ှမ်းတွင် အဖြစ်အများဆုံးသော
ရောဂါတစ်မျိုးဖြစ်ပြီး ဖြစ်ပွားလျှင် ခန္ဓာကိုယ်တစ်ခြမ်းလုံး
မလှုပ်ရှားနိုင်တော့ဘဲ အချိုတွင် စကားမပြောနိုင်၊ အစာမမျိုနိုင်ခြင်းနှင့်
အသိဥာဏ်ချို့ယွင်းခြင်းအထိ ဖြစ်နိုင်သဖြင့် ဘ၀ဆုံးရသော
ရောဂါအမျိုးအစားဖြစ်သည်။
ထို့အပြင် လေဖြတ်ခံရပြီးလျှင်လည်း အကောင်းပကတိ ပြန်ဖြစ်သူနည်းပါးပြီး
အချိန်ကာလလည်း ကြာမြင့်စွာ ကုသရသဖြင့် လူနာရော၊ လူနာရှင်များအဖို့ပါ
ပြုစုစောင့်ရှောက် ကုသရသည့် တာဝန်ဝတ္တရားကြီးမားပြီး ငွေကုန်၊ အချိန်ကုန်
ဒုက္ခမျိုးစုံ မိသားစုလိုက် ရောက်ရသော ရောဂါဆိုးကြီးဖြစ်သည်။
ထို့ကြောင့် မည်သည့်ရောဂါမဆို “ဖြစ်မှကုသခြင်းထက် ကြိုတင်ကာကွယ်ခြင်းက
အကောင်းဆုံး ဖြစ်သည်” ဟူသောစကားအတိုင်း လက်တွေ့ လေ့လာတွေ့ရှိချက်များအပေါ်
အခြေခံ၍ လေဖြတ်ခြင်းဝေဒနာဖြစ်မည့် ကြိုတင်နိမိတ်၊ ရှေ့ပြေးလက္ခဏာများကို
သိရှိရန်နှင့် ၎င်းလက္ခဏာများပြလာလျှင် ကြိုတင်ကာကွယ်ရန်နည်းလမ်းများကိ

ု
စာတမ်းပြုစု တင်ပြလိုက်ရ ပါသည်။


သင်လေဖြတ်နိုင်သလား

လေဖြတ်ခြင်းအကြောင်းအရာများကို တော်တော်လေးဖတ်ရှုလေ့လာဖူးလျှင်
(သို့မဟုတ်) ပတ်ဝန်းကျင်၊ အိမ်နီးချင်းသိကျွမ်းသူတစ်ဦးဦး
အကောင်းကြီးကနေ လေဖြတ်နိုင်သလားဟု စိုးရိမ်တွေးတောမိမည်မှာ
အမှန်ပင်ဖြစ်လေသည်။ ကျွန်ပ်စာရေးသူ ကိုယ်တိုင်လည်း ဤကဲ့သို့ပင်
မကြာခဏတွေးမိပါသည်။
အချို့ပုဂ္ဂိုလ်များသည် လေဖြတ်နိုင်သည့် လက္ခဏာ၊ (ဥပမာ) သွေးတိုး၊ နှလုံး
စသည်တို့ မရှိသည့်အပြင် ထုံခြင်း၊ ကျင်ခြင်းစသည်များကို သိပ်ပင်မသိရဘဲ
လေဖြတ်သွားသောကြောင့် ဖြစ်ပါသည်။
ဥပမာပေးပါရစေဗျာ။ ထိုသူသည် အရပ်အမောင်းကလည်း ကောင်းသည်။ ငယ်စဉ်က
အားကစားလုပ်ခဲ့သဖြင့် ကိုယ်နေဟန်ထားအချိုးအစားကျသည်မှာ အသက် (၅၀)
ကျော်သည့်တိုင် မကျပါ။ ကားရှိသော်လည်း နံနက်တိုင်း လမ်းလျှောက်ထွက်သည်။
တစ်ခါတစ်ရံ ပြေးသည်။ တစ်ပတ်လျှင် (၂)ရက် Golf ကွင်း သွားပြီး
ဂေါက်ရိုက်သည့်အပြင် ဂေါက်ရိုက်နည်းပြ အဆင့်ထိ ကျွမ်းကျင်သည်။
တစ်ခါတစ်ရံ သူ့အိမ်ရှေ့မြက်ခင်းပြင်တွင် ဂေါက်တံကို လေထဲတွင်လွှဲပြီး
လေ့ကျင်နေဟန်မှာ အချိုးကျလှသဖြင့် မျက်စိထဲတွင် ယနေ့အထိ
မြင်ယောင်နေမိသေးသည်။
ကြက်ဥတွေ အစားများသလား၊ အဆီအဆိမ့်တွေ အစားများသလား မထင်နှင့်၊
ကိုလက်စ်ထရောနှင့် (Cholesterol) အဆီပိုများအကြောင်းကို သူကပင်
ရှင်းပြလိမ့်ဦးမည်။ ရှောင်လည်း ရှောင်သည်။
တောင်ဆင်းတောင်တက်လုပ်ခြင်းသည် နှလုံးကျန်းမာရေးအတွက် အလွန်ကောင်းသည်။
နှလုံးလေ့ကျင့်ခန်းဖြစ်သည်ဆိုကာ မြို့ထဲတွင် တောင်တက်စရာမရှိသဖြင့်
သူ့မိတ်ဆွေတစ်ဦး နေထိုင်သော လေးထပ်မှတိုက်ခန်းသို့ မကြာခဏသွားတက်ပြီး
လည်ပတ်လေ့ရှိသည်။
ဤမျှ ကျန်းမာရေးကောင်းသူ ကျန်းမာရေးနှင့်အညီ နေထိုင်ပြုမူသူ၊ သွေးတိုး၊
နှလုံးရောဂါဆို ဝေး။ ထောင့်စုံမှ အပြစ်ကင်း ကျန်းမာသူမှာ တစ်နေ့တွင်
လေဖြတ်သွားသည်ဆိုသောအခါ ကြားရသူတိုင်း အံ့သြသွားကြပါသည်။ ဖြစ်ရပုံမှာ
ထိုသူသည် ကျန်းလည်းကျန်းမာ၊ ၀မ်းလည်းမှန်သဖြင့် တစ်နေ့လျှင် (၂)ကြိမ်
အိမ်သာတက်လေ့ရှိသည်။ နံနက် အိမ်ယာထ ရေအ၀သောက်ပြီးသည်နှင့် တစ်ကြိမ်
အိမ်သာတက်သည်။ နောက် နေ့လည် ထမင်းကြီးစားပြီး တစ်နာရီခန့်ကြာလျှင်
တစ်ကြိမ် အိမ်သာတက်လေ့ရှိသည်။ ဤသည်မှာ နှစ်ပေါင်းများစွာ ကြာပြီဖြစ်သော
သူ၏အလေ့အကျင့်ပင် ဖြစ်သည်။ ညစာကိုတော့ သူက သိပ်မစားသဖြင့် ညစာစားပြီး
ဝမ်းသွားလေ့မရှိဟု ဆိုသည်။
ထိုနေ့ နေ့လည်နှစ်နာရီခန့်က သူသည် ထုံစံအတိုင်း
ဖတ်စရာစာအုပ်တစ်အုပ်ယူပြီး အိမ်သာဝင်သွားသည်။ သူသည် အိမ်သာတက်ရင်း
စာဖတ်လေ့ရှိရာ နာရီဝက်ခန့်ကြာတတ်သည်။ အိမ်သူအိမ်သားများကလည်း
အမှုမဲ့အမှတ်မဲ့နေရာမှ အိမ်သားတစ်ဦး အိမ်သာသွားချင်သဖြင့်
အိမ်သာရှေ့ရောက်သွားသောအခါ တံခါးကပိတ်နေသည်။ အတော်ကြာကြာစောင့်ပြီး
နောက်တစ်ခါ ထပ်သွားသောအခါမှာလည်း အိမ်သာတံခါးက မဖွင့်သေးသဖြင့်
အနားကပ်သွားပြီး တံခါးခေါက်ကြည့်သည်။ အတွင်းမှ တုန့်ပြန်သံမကြားရ။
နောက်ထပ် ခပ်ပြင်းပြင်းခေါက်သည်။ ထိုအခါမှ အတွင်းမှ အသံသဲ့သဲ့နှင့်
ညည်းသံလိုလိုကြားရသည်။
ဤတွင်မှ အိမ်သားများအားလုံးကိုခေါ်ပြီး နောက်ဆုံး အိမ်သာတံခါးကို
ဖျက်ဆီးပြီး အတွင်းမှ လူကို ဆွဲထုတ်ကြရသည်။ လေဖြတ်သွားပြီး ပါးစပ်မှ
ဝူးဝါးဝူးဝါးနှင့်ပြောသည်။ စကားမပီသတော့။ ကျန်းမာရေးအလွန်ကောင်းသူဖြစ်၍
သတိတော့မလစ်၊ တစ်ကိုယ်လုံး အေးစက်နေသည်။ အိမ်သာထဲတွင် သူလဲနေသည်မှာ
တစ်နာရီခန့်ကြာခဲ့ပြီကိုး။
အားလုံးဝိုင်းပွေ့ချီကြသည်။ ရန်ကုန်မြို့တွင်း
အကောင်းဆုံးဆေးရုံကြီးတစ်ခုသို့ ပို့ကြသည်။ စက်ကိရိယာများ၊
ဓာတ်မှန်များဖြင့် ချက်ခြင်းအဖြေရှာကြသည်။ အဖြေများထွက်လာသောအခါ
ဘယ်တုန်းကမှ သွေးတိုးမရှိသောသူ့မှာ ရုတ်တရက်သွေးပေါင်တက်ပြီး ဦးနှောက်မှ
ပင်မ သွေးကြောမကြီးတစ်ခု ပေါက်သွားပြီဟုဆိုသည်။
ဦးနှောက်သွေးကြောမကြီးတစ်ခု ပေါက်သွားပြီဆိုသည်နှင့်
သွေးထောက်ပံ့မှုမရသော ဦးနှောက်အစိတ်အပိုင်းတစ်ချို့ သေသွားခဲ့ပြီဖြစ်သည်။
စကားမပြောနိုင်၊ မျက်စိအမြင် မကြည်မလင် ဖြစ်သည်။ တစ်ခါတစ်ရံ
သတိလစ်သွားသည်။ ဆေးရုံမှ အထူးကြပ်မတ်ကုသသည်။ အစာကို ပိုက်မှ သွင်းသည်။
ပေါက်သွားသောသွေးကြော ပိတ်စေရန် နောက်ဆုံးပေါ်ဆေးများသွင်းကြသည်။
နဂိုမူလက အလွန်ကျန်းမာရေးကောင်းသူဖြစ်သဖြင့် သေရွာပြန်၊ ဆေးရုံမှ
တစ်လအကြာတွင် ဆင်းခဲ့နိုင်သော်လည်း လေဖြတ်သည့်ခန္ဓာကိုယ်တစ်ခြမ်းမှာ
မလှုပ်နိုင်၊ ထူပေးမှ ထနိုင်သည်။ စကားမပီ။ ပြောတာဘာမှန်းမသိ။
အိပ်ယာထဲမှာပင် အိုးထိုး၍ ၀မ်းသွားရတော့သည်။
ထိုပုဂ္ဂိုလ်ကြီးကိုကြည့်ပြီး သူ့အတွက်ရော၊ ပြုစုရသည့် သူ့မိသားစုအတွက်ပါ
အလွန် စိတ်မကောင်းဖြစ်ရပါသည်။ သူသည် တစ်ချိန်က ကျွန်ုပ်၏ဆေးခန်းသို့
လာပြဖူးသည်။ ရောဂါမဟုတ်ပါ။ လက်စွယ်ငုတ်ရာမှ ပြည်တည်ပြီး
လက်သန်းတစ်ချောင်းလုံး ယောင်နေသောကြောင့် ဖြစ်သည်။
တိုင်းရင်းဆေးဝါလေးနှင့် လက်ဖက်အစို ရောနယ်ပြီး အုံပေးလိုက်ရာ
နောက်တစ်ရက်တွင် ကောင်းသွားကြောင်း လာပြောပါသည်။ အခကြေးငွေလည်း
မယူလိုက်ပါ။
သူတို့မိသားစုနှင့် ခင်မင်ရင်းစွဲရှိဖူးသဖြင့် မပင့်မခေါ်သော်လည်း
သူတို့အိမ်သွားလည်ပြီး သူဘာကြောင့် လေဖြတ်ရသလဲဆိုတာကို လေ့လာမိသည်။
ဤကဲ့သို့ ဒေါင်ဒေါင်မြည်တဲ့အိုးမှ အက်သွားရသည့်အကြောင်းရင်းက ဘာလဲ ....?
သူတို့အိမ်သို့ အခေါက်ခေါက်အခါခါ သွားသည်။ သူလေဖြတ်ပုံ၊ အိမ်သာထဲမှာ
လဲကျနေပုံတို့ကို သိလိုသဖြင့် သူဖြစ်ခဲ့သည့် အိမ်သာခန်းအထိ
သွားကြည့်ပါသည်။ သူတို့အိမ်မှာ အိမ်သာမှာ နှစ်လုံးတောင်ရှိသည်။ တစ်လုံးက
ဘိုထိုင်၊ တစ်လုံးက ရိုးရိုးအထိုင်။
သူက ဘိုထိုင်မသွားတတ်။ အားမရသဖြင့် ရိုးရိုးအိမ်သာပဲ ထိုင်လေ့ရှိသည်။
ဤမှာပင် ချို့ယွင်းချက်တစ်ခု တွေ့ရသည်မှာ သူက အိမ်သာသွားတိုင်း
ဆောင့်ကြောင့်ထိုင်ပြီး စာဖတ်လေ့ ရှိခြင်းပင်ဖြစ်သည်။
စာဖတ်ကောင်းနေလျှင် ကြာသည့်အခါ ကြာသွားတတ်လေသည်။
ကျွန်ုပ်၏လူနာများထဲတွင် တစ်ချို့က အိမ်သာထိုင်လျှင်
ဆောင့်ကြောင့်ထိုင်လျှင် ခြေနှစ်ဖက် ကျင်ထုံပြီး ပြန်အထတွင်
မူးတတ်ကြောင်း ပြောသည်ကို သတိရမိပါသည်။ လူနာပြောသောစကားများသည်
တစ်ခါတစ်ရံ ဆရာများကို ပြန်၍ပညာပေးတတ်သည်။
ဖြစ်ပုံက ဆောင့်ကြောင့်ထိုင်သောအခါ တံကောက်ကွေးအတွင်းတွင်ရှိသော
သွေးကြောအဖွဲ့ (တံကောက်သွေးအိမ်)ကို ပိတ်ထားသကဲ့သို့ဖြစ်သဖြင့် -
(၁) သွေးသည် ခြေဖျားသို့ဆင်းသွားပြီး သွေးပြန်ကြောမှ
အပေါ်သို့ပြန်ပေးသောအခါ တံကောက်ကွေးတွင် ပိတ်မိနေသည်။
(၂) နှလုံးမှ ပေါင်၊ ပေါင်မှ တံကောက်၊ တံကောက်မှဆင်းလာသော
သွေးစီးကြောင်းမှာ ဆောင့်ကြောင့်ထိုင်ထားသဖြင့် တံကောက်တွင် ပိတ်သွားသည်။
(၃) ပိတ်သောသွေးသည် အထက်သို့ ပြန်ဆောင့်သဖြင့်
ပြောင်းပြန်တွန်းအားတစ်ခု နှလုံးဆီသို့ ရိုက်ခတ်လာသည်။
(၄) နှလုံးက သွေးစီးကြောင်း ပိတ်မှန်းသိသဖြင့် ပိုညှစ်သောအခါ သွေးပေါင်တတ်လာသည်။
(၅) သွေးပေါင်တတ်သောဒဏ်ကို မခံနိုင်သောကြောင့် ဦးနှောက်အတွင်းမှ
သွေးကြောပေါက်သွားသောအခါ လူသတိလစ်လဲကျလေသည်။

ကျန်းမာရေး မည်သို့ပင် ကောင်းစေကာမူ အသက်အရွယ်ကြီးရင့်သောအခါ
သွေးကြောများသည် မာကျွတ်ဆက်ပြီး ဖိအားကို သိပ်မခံနိုင်တော့ပါ။
ပလပ်စတစ်ပိုက်များ နှစ်ကြာဟောင်းလာလျှင် ကျွတ်ဆက်ပြီး ကွဲအပ်သကဲ့သို့
ဖြစ်သည်။ ထို့ကြောင့် ကျွန်ုပ်တို့သည် ထိုပုဂ္ဂိုလ်ကြီးကဲ့သို့
ကျန်းမာရေးကောင်းသူပင် အနေအထိုင်မတတ်လျှင် လေဖြတ်နိုင်ကြောင်း သတိပြုစရာ
မှတ်သားစရာ ဖြစ်လေသည်။ သူဖြစ်စဉ်မှ သတိပြုစရာအချက်မှာ
အိမ်သာကြာကြာထိုင်းခြင်းနှင့် ဆောင့်ကြောင့်ထိုင်ခြင်းကြောင့်
တံကောက်သွေးအိမ်ကြော ပိတ်ခြင်းဖြစ်ရာ ဘယ်အကြာင်းကြောင့်နှင့်မျှ
ကြာကြာဆောင့်ကြောင့်ထိုင်ခြင်း မပြုမိအောင် ရှောင်ကြဉ်ကြရန် ဖြစ်သည်။
“ဆောင့်ကြောင့်ထိုင်ခြင်းကြောင့် ကြာလျှင်လေဖြတ်နိုင်သည်။
ဦးနှောက်သွေးကြော ပေါက်နိုင်သည်ဟု အမြဲမှတ်ပါလေ။”



Written by အရှင်တေဇနိယ(အုတ်ဖို)

ပြန်လည်မျှဝေသူ....။.....။.

အောင်အောင်(မကစ)

11/3/2012