သဗ္ဗညု ဘုရားရှင်တို့၏ အနှိုင်းမဲ့ ဥာဏ်တော် ( ၁၀ ) မျိုး

  မြတ်စွာဘုရားသခင်သည် လူသာမန် နတ်သာမန် တို့နှင့် မတူ ခြားနားသော ပင်ကိုယ် အသိဥာဏ်  ရှိတော်မူ၏၊ အမျိုးမျိုးသော ထိုဥာဏ်တော် တို့ ရှိခြင်းကြောင့်ပင် သတ္တ၀ါ တစ်ဦးတစ်ယောက်ကို မြင်သည်နှင့် ဤသူသည် ရာဂစရိုက်ရှိ၏၊ ဘယ်သို့သော တရားကို ဟောလိုက်လျင် တရားထူးရနိုင်သည်၊ ဤသူသည် ဒေါသစရိုက်၊ ဒေါသအားကြီး၏၊ 

ဤသူသည် မောဟစရိုက်၊ မောဟများလွန်း၏၊ ဤသူသည် သဒ္ဓါစရိုက် သဒ္ဓါတရား ယုံကြည်မှု အားကောင်း၏၊ ဤသူသည်  ၀ိတက် စရိုက် အကြံအစည် သံသယများလွန်း၏၊ ဤသူသည် ဗုဒ္ဓိစရိုက် ပညာကို အလေးထား၏၊ ပညာဥာဏ် ကြီးမား၏၊ ဤသတ္တ၀ါအား ပညာနှုင့်စပ်သော ခက်ခဲ နက်နဲသော အကြောင်းအရာကို အခြေခံကာ တရားဟောလိုက်လျင် ကျွတ်တမ်းဝင်နိုင်လိမ့်မည် စသည်ဖြင့် သိတော်မူနိုင်၏၊

ယခုခေတ် တရားဟောကြသည်ကား မည်သူမျှ ဘုရားရှင်လို မသိနိုင်သောကြောင့် မှန်းခြေနှင့် ဟောကြရ၏၊ သို့ကြောင့်ပင် ယခုခေတ်၌ တရားနာရင်း တရားထူးရသူလည်း ရှိနိုင်မည် မဟုတ်ပေ၊ မိမိတို့ကိုယ်တိုင် မနေမနား အားထုတ် ကျင့်ကြံနိုင်မှသာ ရနိုင်မည်ထင်၏၊ အားတက်စရာရှိသည်ကား စွဲစွဲမြဲမြဲ အားထုတ်ကြည့်ပါက မိမိသည် သတိပဋ္ဌာန်လေးပါးတွင် အဘယ်သတိပဋ္ဌာန်နှင့် သင့်လျော်သည်၊ ဘယ်ဟာကို အားထုတ်ရတာဖြင့် သိပ်သမာဓိရလွယ်သည်၊ အကြိုက်တွေ့မိသည် စသည်ဖြင့် မိမိကိုယ်ကို ဆန်းစစ်တတ် လာ၏၊ စာရေးသူအနေဖြင့်ကား ဝေဒနာနုပဿနာ ကမ္မဋ္ဌာန်းကို အလွန်ကြိုက်၏၊ ဝေဒနာတက်လေ ရှုမှတ်ရတာ အားရပြီး စိတ်တည်ငြိမ်လေပင်၊

သတ္တ၀ါတို့သည်ကား ရှေးအတိတ် ဘ၀ါဘ၀များစွာက ဖြည့်ဆည်းပူးအပ်သော ကုသိုလ် အကုသိုလ်ကံများ မတူညီကြသောကြောင့် အကြိုက်ချင်း ခံစားချက်ချင်း သင့်လျော်သော ကမ္မဋ္ဌာန်းချင်းလဲ မတူညီကြပေ။ မိမိခန္ဓာကိုယ်သည် အဘယ်ကမ္မဋ္ဌာန်းကို အကြိုက်တွေ့သည် သင့်လျော်သည်ကိုသာ သတိထားကြည့်ဖို့ လိုအပ်ပေသည်။ ဥာဏ်တော်အကြောင်း ရေးရင်းဖြင့် ၀ိပဿနာတရားအကြောင်း ရေးနေမိ၏၊ ဥာဏ်တော်အကြောင်းကို ဆက်ပါအုံးမည် ၊ ထိုဥာဏ်တော် အမျိုးအစားတို့ကို  သရုပ်ခွဲလိုက်ပါက ( ၁၀ ) မျိုး ရှိကြောင်း ထိုထို ကျမ်းဂန်များတွင် ပြဆို ကြ၏၊  ထိုဥာဏ်တော်တို့အား လက်လှမ်းမှီသမျှ ဖော်ပြအပ်ပါသည်။

(၁) ဌာနာ ဌာန ကောသလ္လဥာဏ်တော် -

 အရာဟုတ်သည် မဟုတ်သည်တို့ကို သိတော်မူသောဥာဏ်တော်၊ ( ဥပမာအားဖြင့် ရုပ် နာမ် ဓမ္မ သင်္ခါရတရား တို့ကို မြဲခြင်းစသည် အားဖြင့် နိစ္စ ၊ သုခ ၊ အတ္တ ရှု့မှတ်ခြင်းသည် လမ်းမှန် မဟုတ်ပေ၊ အနိစ္စ ဒုက္ခ အနတ္တ ဟု ရှုမှ လမ်းမှန်ဟု မည်သူမှ လမ်းညွှန်မှု မရှိပဲ ကိုယ်တော်တိုင် သိတော်မူခြင်းဖြစ်၏ )

(၂) အတီတာနာဂတ ပစ္စုပ္ပန္နာန ကမ္မသမာဒါနာန ၀ိပါက ဥာဏ်တော်

 သတ္တ၀ါ တစ်ဦး၏ အတိတ် အနာဂါတ် ပစ္စုပ္ပန်၌ ရှိနေကုန်သောကုသိုလ် အကုသိုလ်ကံတို့ကို၎င်း၊  ထိုကံတို့၏ အကျိုးကို၎င်း၊ ယင်းကံတို့ကို ထောက်ပံ့နေသော ဥပတ္ထမ္ဘကအကြောင်း၊ တိုက်ရိုက် ဟေတု အကြောင်းအားဖြင့် အလုံးစုံသော ကံတို့၏ ရှေ့ဖြစ် နောက်ဖြစ် အားလုံး ကို သိတော်မူသော ဥာဏ်တော်ဖြစ်၏။

( ဥပမာ သတ္တ၀ါတစ်ဦး၏ လက်ရှိ ကာလ၊ ရောက်ရှိနေရာဘုံဘ၀ ဂတိ၊  တည်ရာ ဥပဓိ၊ ကိုယ်နှုတ်စိတ် သုံးပါး ဟူသော ပယောဂလုလ္လ၊ သမထ ၀ိပဿနာဟူသော အကြောင်းတို့ ပြည့်စုံမှ အကျိုးပေးနိုင်ကြောင်း စသည်ဖြင့် သိတော်မူနိုင်၏ )

(၃) သဗ္ဗတ္ထဂါမိနီ ပဋိပဒါဥာဏ်တော်

  

အလုံးစုံကုန်သောသုဂတိ၊ ဒုဂ္ဂတိ ဘ၀တို့သို့ရောက်ကြောင်းဖြစ်သော ကျင့်စဉ် လမ်းစဉ်ကို သိတော်မူသော ဥာဏ်တော်၊( ဥပမာအားဖြင့် ဤအကျင့်ကိုလျင် နတ်ရွာ သုဂတိ ရောက်နိင်၏၊ ဤအကျင့်ကို ကျင့်လျင်ကား အပါယ် ငရဲ ဒုဂ္ဂတိ သို့ရောက်နိုင်၏ စသည်ဖြင့် သိတော်မူနိုင်ခြင်းဖြစ်၏ )

(၄) အနေကဓါတု နာနာဓါတု လောကဥာဏ်တော်

မတူခြားနားသော အမျိုးမျိုးသော ဓာတ် သဘာဝရှိသော သတ္တလောကကို သိတော်မူသော ဥာဏ်တော်၊

( ဥပမာအားဖြင့် ရုပ်ခန္ဓာသက်သက်သာ ရှိသော အသညသတ်ဗြဟ္မာ စသောလောကကို၎င်း၊ နာမ်ခန္ဓာ ၄ ပါးသက်သက်သာ ရှိသော အရူပဗြဟ္မာ့ဘုံစသော လောကကို၎င်း၊ ရုပ် နာမ် နှစ်ပါးစုံရှိသော လ့ဘုံ ကာမာဝစရ နတ်ပြည်ခြောက်ထပ်၊  တိရိ စ္ဆာန် စသော ဘုံလောကကို၎င်း ခန္ဓာ အာယတန ဓာတ် စသည်အားဖြင့် ပိုင်းခြား သိမြင်တော်မူနိုင်ခြင်း ဖြစ်၏ )

(၅) သတ္တာနံ  နာနာ ဓိမုတ္တိကတာ ဥာဏ်တော်

များပြားလှစွာသော သတ္တ၀ါတို့၏ အမျိုးမျိုးသော နှလုံးသွင်း မှန် မမှန် ကို၎င်း၊ ဓာတ်ခံ ကောင်း မကောင်းကို ၄င်းသိတော်မူတတ်သော ဥာဏ်တော်ဖြစ်၏ ( ဥပမာ - သတ္တ၀ါတစ်ဦး၏  ယုတ်ညံ့သော နှလုံးသွင်း ဓာတ်ခံ ရှိသလော၊ မြင့်မြတ်သော နှလုံးသွင်း ဓာတ်ခံရှိသလော စသည်ဖြင့် ဝေနေယျတို့၏ ဟီနာဓိမုတ္တိက ၊ ပဏီတာ ဓိမုတ္တိက ဖြစ် မဖြစ်ကို ဝေဖန် သိတော်မူနိုင်ခြင်း ဖြစ်၏ )

(၆) ဣန္ဒြိယ ပရောပရိယတ္တိ ဥာဏ်တော်

ယုတ်ညံ့သောသတ္တ၀ါ၊ မြင့်မြတ်သော သတ္တ၀ါတို့၏ တရားထူးရနိုင် မရနိုင် နှင့်  ဣနြေ္ဒ အနု အရင့် စသည်ကို သိတော်မူနိုင်သော ဥာဏ်တော်

( ဥပမာ အားဖြင့် အပင်မှ သရက်သီးကို  လှမ်းကြည့်ကာ ဤသရက်သီး မှည့်နိုင်ပြီလော၊ မမှည့်နိုင် သေးဘူးလော စသည်ဖြင့် မျှော်မှန်းကြည့်ရသကဲ့သို့ သတ္တ၀ါတို့၏ အတွင်းအဇ္ဈာသယဓာတ်ခံ နှင့် စရိုက်အမျိုး မျိုးကို၎င်း  ကျွတ်ထိုက်ပြီလော မကျွတ်ထိုက်သေးဘူးလော၊ ဤသူ၏သန္တာန်၌ ကိလေသာနည်းသလော၊ ကိလေသာများနေသလော စသည်ဖြင့်၎င်း၊ ယုံကြည်မှုသဒ္ဓါတရား၊ ၀ီရိယ၊ သတိ ၊သမာဓိ ၊ ပညာဟူသောဣနြေ္ဒ ငါးပါးတို့ ပြည့်စုံ ရင့်ကျက်နေပြီလော၊ ယခုအချိန် တရားဟောလျင် ကျွတ်နိုင်ပြီလော မကျွတ်နိုင် သေးဘူးလော စသည်ဖြင့် သိမြင်နိုင်သောဥာဏ်တော်ဖြစ်၏။

(၇) ဈာန ၀ိမောက္ခ သမာဓိ သမာပတ္တီနံ သံကိလေသ ဝေါဒါန ၀ုဋ္ဌာန ဥာဏ်တော်

ရရှိပြီးသော ဈာန်တရား ၀ိမောက္ခတရား သမာဓိ သမာပတ်တရားတို့၏ ညစ်နွမ်းပုံ ညစ်နွမ်းကြောင်း၊ ဖြူစင်ပုံ ဖြူစင်ကြောင်း၊ ဈာန် သမာပတ်တို့မှ ထမြောက်ပုံ ထမြောက်ကြောင်း နည်းလမ်းတိုိ့ကို အသေးစိတ် ရှင်းလင်းပီသစွာ သိမြင်တော်မူနိုင်ခြင်း ဖြစ်၏။

(၈) ပုဗ္ဗေ နိဝါသာ နုဿတိ ဥာဏ်တော်

 ရှေးကနေခဲ့ဖူး ဖြစ်ခဲ့ဖူးသော ခန္ဓာအစဉ်၊ ဘ၀အစဉ် တို့ကို ဘ၀ခြားသည်ဖြစ်စေ၊ တစ်ဆက်တည်းဖြစ်စေ၊ ကပ်ကမ္ဘာတွေ ခြားသည်ဖြစ်စေ၊ ဆက်တိုက်ဖြစ်စေ၊ ကိုယ်တော်တိုင်၏ ဘ၀ဖြစ်စဉ်ကို၎င်း၊ စကြာဝဠာအနန္တ၌ ရှိနေကြကုန်သော သုဂတိ ဒုဂ္ဂတိ သတ္တ၀ါအားလုံးတို့၏ ဘ၀ဖြစ်စဉ်ကို၎င်း သိတော်မူနိုင်သော ဥာဏ်တော် ဖြစ်၏၊

( ဤသူသည် ဘယ်ကပ်ကမ္ဘာက  လူ့ဘ၀ ကို ရခဲ့ ဖြစ်ခဲ့သည်၊ မည်သူနှင့် တွေ့ခဲ့သည်၊ မည်သူနှင့်  မေတ္တာ ရေစက် ရှိခဲ့ဖူးသည် စသည်ဖြင့် ဘ၀အစဉ်လိုက်ဖြစ်စေ ၊ ခုန်ကျော်ပြီးဖြစ်စေ သိမြင်တော်မူနိုင်ခြင်း ဖြစ်၏ ပစ္စေကဗုဒ္ဓါ အဂ္ဂသာဝက မဟာသာဝက စသော ရဟန္တာမထေရ်မြတ်ကြီးတို့သည် ကိုယ့်ဘ၀အစဉ်ကို၎င်း၊ သူတပါးတို့၏ ဘ၀ကို၎င်း အစဉ်လိုက်သာ မြင်စွမ်းနိုင်၏၊ ဘုရားရှင်တို့သည်ကား လိုအပ်လာလျင် ခုန်ကျော်ပြီး ကြည့်လိုက ကြည့်နိုင် မြင်စွမ်းနိုင်၏။ )

(၉) စုတူပ ပါတ ဥာဏ်တော်

( စုတိ + ဥပပါတ ) သတ္တ၀ါ အားလုံးတို့၏ သေရမည့်အချိန်၊ သေခါနီးအချိန်၊ ပဋိသန္ဓေနေရမည့်အချိန်၊ ပဋိသန္ဓေနေ ပြီးခါစ အချိန်၊ စသည့် လူသာမာန်တို့ မမြင်စွမ်းနိုင်သောအရာကို သိမြင်တော်မူနိုင်သော ဥာဏ်တော်၊

( သတ္တ၀ါတစ်ဦးကို ကြည့်တော်မူကာ ဤသူသည် ဒီဘ၀မှ ဘယ်အချိန်သေလိမ့်မည်၊ ဘယ်လို သေလိမ့်မည်၊ သေပြီးက ဘယ်ဘ၀ရောက်လိမ့်မည်၊ စသည်ဖြင့် သုဂတိ ဒုဂ္ဂတိရောက်ရမည့်သူဟူသော သုဂတိပရာယဏ ဒုဂ္ဂတိပရာယဏ အားလုံးကို၎င်း၊ မိမိတို့ ပြုလုပ်ထားသော ကံအားလျော်စွာ ဖြစ်ရမည့် ယထာကမ္မူပဂ စသည်အားဖြင်၎င်း၊   အပိတ်အပင်အတားအဆီးမရှိ နတ်မျက်စိကဲ့သို့ ပကတိ သိမြင်တော်မူနိုင်ခြင်း ဖြစ်၏ တစ်ချို့နေရာ၌ ဒိဗ္ဗစက္ခု အဘိဥာဏ် ဟုလည်း သုံးနှုံးကြ၏၊ ဤနေရာ၌ ဥာဏ်တော်အကြောင်းကို ဦးစားပေးကာ ရေးသား၏ )

(၁၀) အာသ၀ါနံ ခယာ အနာသ၀ စေတောဝိမုတ္တိ ပညာဝိမုတ္တိ ဥာဏ်တော်

 အာသဝေါတရားတို့၏ကုန်ရာ နိဗ္ဗာန်ကိုသိတော်မူခြင်းကြောင့်  သံသရာဝဋ်ဆင်းရဲမှ လွတ်မြောက်ခြင်းဟူသော ဥာဏ်တော်၊ ဤဥာဏ်တော်ကား  ၄ အသင်္ချေနှင့် ကမ္ဘာတစ်သိန်းတိတိ ကာလပတ်လုံး ပါလာသော ကိလေသာတရားတို့ကို ၀ါသနာ၊ အလေ့အကျင့်၊ အထုံပါရမီ နှင့်တကွ ပယ်သတ် အောင်မြင်တော်မူနိုင်ခြင်း ဖြစ်၏။

သဗ္ဗညု ဘုရားရှင်တို့၏ ဥာဏ်တော် ဂုဏ်တော်တို့ကို အာရုံပြုကာ ကြည်ညိုနိုင်ရန် လက်လှမ်းမှီသမျှ ကိုးကားဖော်ပြပါသည်။

 ကိုးကား၊

ဥာဏ၀ိဘင်း ပါဠိတော်နှင့် အဋ္ဌကထာ

ပဋိသမ္ဘိဒါမဂ္ဂပါဠိတော် မဟာဝဂ္ဂ

ဖားအောက်ဆရာတော်ဘုရားကြီး၏ တရားတော်များ

 မြင်ဖူးတွေ့ဖူးနေကျ ဘုရားပုံတော်များ ဖြစ်သောကြောင့် အတိတ်တစ်ချိန်က သာသနာ ထွန်းကားခဲ့ရာ အင်ဒိုနီးရှားနိုင်ငံမှ ကမ္ဘာကျော် Borobudur  Temple မှ မီးပူဇော်ပွဲတော် မြင်ကွင်းများကို ဗဟုဿုတဖြစ်ဖွယ် တင်ပြ ပူဇော်ပါသည်။ ထိုဘုရားအကြောင်းကို ဤနေရာ ၌ ကြည့်ရှုလေ့လာနိုင်ပါသေးသည်။