မန်မာနိုင်ငံသား…ကမ္ဘာ့ဝိပဿနာတရားပြဆရာကြီး..ဦးဂိုအင်ကာ…”
သတ္တ၀ါမှန်သမျှတစ်ဘ၀မှာတစ်ခါသာဖွားမြင်ကြစမြဲဖြစ်ပါသည်။ဤပုဂ္ဂိုလ်ကြီးကားသူများထက်ထူးကာတစ်ဘ၀မှာနှစ်ခါဖွားမြင်ခဲ့ပါသတဲ့..။
ပထမတစ်ခါကမြန်မာပြည်မန္တလေးမြို့မှာ..မိဘနှစ်ပါး၏သားကောင်းရတနာအဖြစ်မိခင်ဖြစ်သူကဖွားမြင်ပေးခဲ့သည်။
နောက်တစ်ခါက..မြန်မာပြည်ရန်ကုန်မြို့မှာ“ဆရာကြီးဦးဘခင်”ကဓမ္မ၏သားကောင်းရတနာအဖြစ်ဖွားမြင်ပေးခဲ့သည်။
ဤထူးထူးခြားခြားတစ်ဘ၀မှာနှစ်ခါဖွားမြင်ခဲ့သော..ပုဂ္ဂိုလ်ထူးကြီးကားယနေ့တစ်ခါလုံးကသိနေသော
“ကမ္ဘာ့ဝိပဿနာတရားပြဆရာကြီး..ဦးဂိုအင်ကာ”ပါတည်း။
သူသည်အိန္ဒိယအမျိုးသားတစ်ဦးဖြစ်သော်လည်းမြန်မာပြည်သူတို့ကမြန်မာပြည်ဖွား
ကမ္ဘာ့ဝိပဿနာတရားပြဆရာကြီးအဖြစ်သူ့အတွက်ဂုဏ်ယူကြသလို
သူကလည်းမြန်မာပြည်တွင်ဖွားသောကြောင့်ဓမ္မ၏သားကောင်းရတနာတစ်ဦးဖြစ်လာရသည့်အတွက်
ဂုဏ်ယူလေ့ရှိပါသည်။
ဆရာကြီးဦးဂိုအင်ကာသည်ဆရာကောင်းတပည့်တစ်ဦးဖြစ်သည်။သူ့ဆရာဆရာကြီးဦးဘခင်ကားကမ္ဘာ့ထိပ်တန်းနိုင်ငံကြီးများဖြစ်သည့်အမေရိကန်၊ဗြိတိန်စသောနိုင်ငံကြီးများမှထိပ်တန်းပုဂ္ဂိုလ်ကြီးများဖြစ်သော
ပါမောက္ခဒုံးပျံပါရဂူစသောပညာရှင်များကခြေတော်အစုံကိုဦးခိုက်လာရသည့်ဝိပဿနာဆရာကြီး။
တဖန်ဆရာကြီးဦးဘခင်၏ဆရာကအနာဂါမ်ဆရာသက်ကြီး၊တစ်ဖန်အနာဂါမ်ဆရာသက်ကြီး၏ဆရာကို
ကြည့်ပြန်တော့ဗုဒ္ဓသာသနာမှာနေတစ်စင်းပမာထွန်းလင်းတောက်ပခဲ့သောလယ်တီဆရာတော်ဘုရားကြီး။
ဆရာကြီးဦးဂိုအင်ကာသည်ဤကဲ့သို့ဆရာကောင်းတပည့်တစ်ဦးဖြစ်သလို
ကမ္ဘာ့ဝိပဿနာတရားပြဆရာကြီးတစ်ဦးအဖြစ်ခံယူကာ
ဆရာသခင်ကျေးဇူးရှင်များကိုကျေးဇူးပြန်ဆပ်ခဲ့ပါသည်။
ဆရာကောင်းတပည့်၊တပည့်ကောင်းဆရာအဖြစ်ကားဖြစ်တောင့်ဖြစ်ခဲ၊
ကြုံတောင့်ကြုံခဲမတစ်ထောင်တစ်ကောင်ဖွားအဖြစ်မျိုးပေတည်း။
မစ္စတာရှရီဆကျနာရယဏာဂျီ ဂိုအင်ကာကို(၁၉၂၄)ခုနှစ်တွင်မန္တလေးမြို့၌
“ဦးဂိုပိရမ်ဂိုအင်ကာ”(Mr.GOPIRAM GOENKA )“ဒေါ်ကမလာဒေ၀ီဂိုအင်ကာ”
(Mrs.KAMALA DEVIGOENKA)တို့မှမွေးဖွားခဲ့သည်။
ဦးဂိုအင်ကာသည်ဗြိတိသျှဘုရင်ခံလော့ကိုကရင် ချီးမြှင့်သောရွှေတံဆိပ်ဆုရခဲ့သည်။
(၁၀)တန်းစာမေးပွဲတွင်အမှတ်အများဆုံးဖြင့်အောင်မြင်ခဲ့ပြီးအစိုးရထောက်ပံ့ကြေးရခဲ့သော်လည်း
တက္ကသိုလ်သို့ဆက်မတက်ဘဲစီးပွားရေးလောကထဲသို့ဝင်ရောက်ခဲ့သည်။
(၁၉၄၂)ခုနှစ်“ရှရီမတီဣလာ ယကျီဒေ၀ီ”နှင့်လက်ထပ်ခဲ့သည်။
ဦးဂိုအင်ကာသည်မြန်မာနိုင်ငံတွင်အောင်မြင်သောစီးပွားရေးလုပ်ငန်းရှင်တစ်ဦးဖြစ်လာသည်။
မြန်မာနိုင်ငံမာရ၀ါရီကုန်သည်များအသင်းဥက္ကဋ္ဌ၊မြန်မာနိုင်ငံဟိန္ဒီစာပေအသင်းကြီး၏ဥက္ကဋ္ဌနှင့်၊မြန်မာနိုင်ငံလုံးဆိုင်ရာဟိန္ဒူဗဟိုအဖွဲ့ချုပ်ဥက္ကဋ္ဌအဖြစ်ဆောင်ရွက်ခဲ့သည်။မြန်မာနိုင်ငံစာရေးဆရာအသင်းတွင်လည်း
အဖွဲ့ဝင်တစ်ဦးဖြစ်သည်။
ဦးဂိုအင်ကာသည်ငယ်စဉ်ကပင်“မိုက်ဂရင်း”(ခေါ်)“ခေါင်းခဲရောဂါ”ပြင်းပြင်းထန်ထန်စွဲကပ်ခဲ့ရာ
မခံမရပ်နိုင်အောင်ဝေဒနာခံစားစရသောအခါ၌မော်ဖီးယားဆေးထိုးရသည်။
မြန်မာနိုင်ငံ၌သာမကပဲအိန္ဒိယနှင့်အခြားနိုင်ငံများ၌ကုသသော်လည်းအကြောင်းမည်သို့မှထူးခြားမလာပေ။
ထို့ကြောင့်မိတ်ဆွေတစ်ဦးဖြစ်သောတရားသူကြီးဦးချန်ထွန်းကဦးဂိုအင်ကာကို
ဆရာကြီးဦးဘခင်၏(၁၀)ရက်တရားစခန်းဝင်ကြည့်ရန်အကြံပေးသည်။
အစဉ်အလာကယုံကြည်လာခဲ့သောအယူသည်းအယူစွဲထဲတွင်နှစ်မြုပ်နေသည့်အတွက်ကြီးကြီးမားမား
အခက်အခဲများကိုရင်ဆိုင်ပြီးမှတရားစခန်းသို့သွားရသည်။
ရန်ကုန်မြို့၊ဆရာကြီးဦးဘခင်၏၀ိပဿနာရိပ်သာ“INTERNATIONAL MEDITATION CENTRE”
(အပြည်ပြည်ဆိုင်ရာဝိပဿနာရိပ်သာ)တွင်
(၁၉၅၅)ခုနှစ်၌(၁၀)ရက်တရားစခန်းဝင်ပြီးသည့်နောက်တွင်မခံမရပ်နိုင်အောင်ခံစားနေရသော
မိုက်ဂရင်းရောဂါဝေဒနာသည်ယူပစ်သလိုပျောက်သွားသည်။
ထို့နောက်ရန်ကုန်မြို့၌နေထိုင်ကြသောဦးဂိုအင်ကာ၏မိသားစုများနှင့်မိတ်သင်္ဂဟများသည်
ဝိပဿနာတရားစခန်းတွင်တရားထိုင်ကြပြီးယောဂီများဖြစ်လာကြသည်။
ကုန်သွယ်မှုနှင့်စက်မှုလုပ်ငန်းများကိုပြည်သူပိုင်လုပ်ပြီးသည့်နောက်တွင်
ဦးဂိုအင်ကာတွင်ဝိပဿနာပွားများအားထုတ်ရန်အတွက်အချိန်လုံလုံလောက်လောက်ရရှိလာသည်။
ထိုအချိန်၌ဆရာကြီးဦးဘခင်ကဦးဂိုအင်ကာကိုဤသို့ပြောပြသည်။
“ဒီဝိပဿနာပွားများနည်းနိဿရည်းမှာနှစ်ပေါင်း၂၃၀၀ကျော်ကအိန္ဒိယနိုင်ငံမှဆောင်
ကြဉ်းလာခဲ့တဲ့နည်းနိဿရည်းဖြစ်ပြီးအခုအချိန်အထိမြန်မာနိုင်ငံမှာ
ရှေးမူမပျက်ထိန်းသိမ်းထားခဲ့တယ်၊ဒါပေမယ့်ကံမကောင်းအကြောင်းမသင့်တဲ့အတွက်
အိန္ဒိယနိုင်ငံ၏အလွန်တရာမြင့်မြတ်တဲ့အဲဒီနည်းပညာဟာ
အိန္ဒိယမှာအစအနတောင်မကျန်ခဲ့တော့ဘူး၊
ယခုအိန္ဒိယနိုင်ငံ၏ကြွေးမြီကိုပြန်ဆပ်ဖို့အချိန်ရောက်လာပြီ”
ဆရာကြီးဦးဂိုအင်ကာသည်သူ၏ဂုရုဆရာကြီးဦးဘခင်ထ
ံ(၁၄)နှစ်ကြာမျှဝိပဿနာတရားများပွားများအားထုတ်ခဲ့သည်။
(၁၉၆၆)ခုနှစ်တွင်ဆရာကြီးဦးဘခင်ကဦးဂိုအင်ကာအား
အစဉ်အလာအရဆင်းသက်လာသောတရားဝင်ကမ္မဋ္ဌာနာစရိယတရားပြဆရာအဆင့်
တိုးမြှင့်ခန့်အပ်ပြီးလျှင်မြန်မာနိုင်ငံမှအဖိုးအန ဂ္ဃထိုက်တန်သည့်ဝိပဿနာဝါသနာကိုအိန္ဒိယနိုင်ငံပြန်ယူသွားပြီး
အိန္ဒိယနိုင်ငံအပေါ်တင်ရှိသောကြွေးမြီကိုပြန်ဆပ်ရန်မဟာတာဝန်ကြီးလွဲအပ်ခဲ့သည်။
(၁၉၆၉)ခုနှစ်တွင်ဦးဂိုအင်ကာသည်မိခင်ကြီဲးပြင်းစွာနာမကျန်းဖြစ်နေကြောင်းကြေးနန်းရသဖြင့်
အိန္ဒိယပြည်၊မွန်ဘိုင်း(ဘုံဘေ)မြို့သို့ရုတ်တရက်ထွက်ခွာသွားရသည်။
မင်္ဂလာဒုံလေဆိပ်တွင်ထုံးစံအတိုင်လူဝင်မှုကြီးကြပ်ရေးဋ္ဌာနကစစ်ဆေးပြီးသောအခါ
ဦးဂိုအင်ကာသည်အကောက်ခွန်ဋ္ဌာနကောင်တာသို့အစစ်ခံရန်ရောက်သွားသည်။
အကောက်ခွန်အရာရှိမှာသူ၏မိတ်ဆွေဖြစ်သည်။
အကောက်ခွန်အရာရှိကအပြောင်အပြက်သဘောမျိုးနှင့်ရယ်ပြီး
“အဖိုးတတန်လက်ဝတ်တန်ဆာပစ္စည်းများယူလာသေးသလား”ဟုမေးလိုက်လေသည်။
“ဟုတ်ကဲ့ အဖိုးတန်ရတနာတစ်လုံးပါလာပါတယ်”
ဦးဂိုအင်ကာ၏အဖြေကိုကြားရသောအခါအကောက်ခွန်အရာရှိအံ့အားသင့်သွားသည်။
အကောက်ခွန်အရာရှိသည်ဦးဂိုအင်ကာ၏မိတ်ဆွေဖြစ်သော်လည်းရိုးသားဖြောင့်မှန်သူတစ်ဦးဖြစ်ခြင်းကြောင့်
သူ၏တာဝန်ဝတ္တရားကိုလျစ်လျုရှု၍မဖြစ်တော့ပေ။
ဦးဂိုအင်ကာ၏ပစ္စည်းများကိုမွှေနှောက်ရှာဖွေရလေတော့သည်။
နောက်ဆုံးအဖိုးတန်ဘာပစ္စည်းမှရှာမရသည့်အတွက်အကောက်ခွန်အရာရှိအကြံအိုက်သွားလေသည်။
ထိုခါကျမှဦးဂိုအင်ကာကရှင်းပြလေသည်။
“မိတ်ဆွေမြန်မာနိုင်ငံကကျုပ်ယူသွားမယ့်ရတနာက
မြန်မာနိုင်ငံကအိန္ဒိယနိုင်ငံကိုဆပ်စရာရှိတဲ့အကြွေးကိုပြန်ဆပ်ဖို့ယူသွားတဲ့ရတနာပါ၊
အဲံဒီရတနာပာာမူလကအိန္ဒိယကယူလာတဲံရတနာဖြစ်တယ်၊
အခုအဲ့ဒီရတနာကိုအိန္ဒိယနိုင်ငံအတွက်ပြန်လိုအပ်နေတယ်၊
ဒီရတနာကိုမြန်မာနိုိင်ငံကယူသွားတဲ့အတွက်မြန်မာနိုင်ငံဆင်းရဲမသွားပါဘူး၊
ကျုပ်ယူသွားတဲ့ရတနာကတခြားမပာုတ်ဘူး၊ဓမ္မရတနာပါ”
အကောက်ခွန်အရာရှိကရယ်တော့သည်။
“ဒီလိုလား..ယူသွားပါ၊ယူသွားပါ၊အိန္ဒိယနိုင်ငံရဲ့အကြွေးကိုပြန်ဆပ်ဖို့အတွက်
အဲဒီရတနာကိုယူသွားတာကျုပ်အများကြီးဝမ်းသာပါတယ်”
(၁၉၆၉)ခုနှစ်ဦးဂိုအင်ကာအိန္ဒိယသို့ရောက်သွားပြီးနောက်
(၁၀)ရက်အတောအတွင်းနှစ်ပေါင်း၂၀၀၀ကျော်ရှည်လျားသောအချိန်ကာလကျော်လွန်ပြီးနောက်
မဇ္ဈိမဒေသအိန္ဒိယနိုင်ငံ၏ပုညဘူမိလယ်ယာမြေကောင်းနယ်မြေဒေသ၌မျှော်လင့်မထားသော
မဖြစ်မြဲထူးကဲသည့်ပထမအကြိမ်ဝိပဿနာတရားစခန်းကိုမွန်ဘိုင်း(ဘုံဘေ)မြို့တွင်၁၉၆၉ခုနှစ်၊ဇူလိုင်လ(၃)ရက်မှ(၁၄)ရက်အထိ
ဓမ္မသာလာတစ်ခု၌ဖွင့်လှစ်နိုင်ခဲ့သည်။
ဦးဂိုအင်ကာသည်ကျေးဇူးရှင်မိဘနှစ်ပါးကိုတရားဖြင့်ကျေးဇူးဆပ်ခဲ့သည်။
ညီအစ်ကိုမောင်နှမဆွေမျိုးသားချင်းများနှင့်မိတ်ဆွေသင်္ဂဟများကိုတရားအမွေပေးခဲ့သည်။
ထို့နောက်နေရာအသီးသီးမှဝိပဿနာတရားစခန်းလာရောက်ဖွင့်လှစ်ရန်တောင်းဆိုချက်များ
ရောက်ရှိလာသည်။
(၁၉၇၆)ခုနှစ်တွင်၊အီဂတ်ပူရီ၌၀ိပဿနာဋ္ဌာနချုပ်၊ဓမ္မဂီရိကိုတည်ထောင်နိုင်ခဲ့သည်။
ဦးဂိုအင်ကာသည်အကျဉ်းထောင်နှင့်ပလိပ်အကယ်ဒမီ၌လည်းဝိပဿနာတရားစခန်းဖွင့်လှစ်ခဲ့သည်။
ပူးနားရှိ ယရှဒါ(ခေါ်)အစိုးရအရာရှိသင်တန်းကျောင်း၌လည်းပုံမှန်ဝိပဿနာတရားစခန်းများဖွင့်လှစ်သည်။
အိန္ဒိယပြည်တွင်းနှင့်ပြည်ပနိုင်ငံများမှအစိုးရပေါင်းများစွာတို့သည်
လစာဖြတ်တောက်ခြင်းမရှိဘဲခွင့်ပေးပြီးလျှင်တရားထိုင်ရန်အတွက်သူတို့၏၀န်ထမ်းများကို
တရားစခန်းများသို့ပို့ပေးကြသည်။ယင်းသို့တရားထိုင်သည့်အတွက်အရာရှိများလုပ်ငန်းကျွမ်းကျင်မှုနှင့်တာဝန်သိမှုပိုပြီး
ထက်သန်အားကောင်းလာသည်ကိုတွေ့ရသည်။
အိန္ဒိယနိုင်ငံတွင်ဟိန္ဒူဘုရားကျောင်းများ၌လည်းကောင်း၊
ဗုဒ္ဓဘာသာဘုန်းကြီးကျောင်းများ၌လည်းကောင်း၊
ဂျိမ်းဘုန်းကြီးကျောင်းများ၌လည်းကောင်း၊
မွတ်စလင်ဗလီများ၌လည်းကောင်း၊
ခရစ်ယာန်ချာ့ခ်ျဘုရားရှိခိုးကျောင်းများတွင်လည်းကောင်း၊တရားစခန်းများဖွင့်လှစ်ခဲ့သည်။
၂၀၀၃-ခုနှစ်စာရင်းအရ ဆရာကြီးဦးဂိုအင်ကာသည်
အိန္ဒိယတစ်နိုင်ငံလုံးတွင်ဝိပဿနာတရားရိပ်သာ(၆၀)ဖွင့်လှစ်ခဲ့သည်။
မြန်မာနိုင်ငံတွင်မန္တလေး၊ရန်ကုန်၊မိုးကုတ်၊ပြင်ဦးလွင်၊မုံရွာ၊ပဲခူး၊သံဖြူဇရပ်၊မအူပင်၊တောင်
ကြီး၊လားရှိုး၊လှည်းကူး၊ကျိုက်ထို၊..စသောမြို့၌ ၀ိပဿနာတရားစခန်း(၁၅)ခုဖွင့်လှစ်ခဲ့သည်။
နိပေါ၊ထိုင်း၊ကမ္ဘောဒီယား၊အင်ဒိုနီးရှား၊မလေးရှား၊အီရန်၊သီရိလင်္ကာ၊အင်္ဂလန်၊ပြင်သစ်၊ဆွစ်ဇာလန်၊စပိန်၊
ဘယ်လ်ဂျီယမ်၊အီတလီ၊ဂျာမန်၊သြစတြီးယား၊လက်တင်အမေရိက၊တောင်အမေရိက၊ကနေဒါ၊အမေရိကန်
စသော..နိုင်ငံ(၂၄)နိုင်ငံတွင်ဝိပဿနာတရားရိပ်သာ(၅၂)ခုဖွင့်လှစ်ခဲ့သည်။
ဆရာကြီးဦးဂိုအင်ကာသည်ယခုအခါနိုင်ငံပေါင်း(၇၀)ခန့်တွင်
ဝိပဿနာတရားရိပ်သာပေါင်း(၁၃၀)ခုဖွင့်လှစ်ခဲ့ပြီးဖြစ်သည်။
ဆရာကြီးဦးဂိုအင်ကာဝိပဿနာတရားရိပ်သာဖွင့်လှစ်ပေးခဲ့သောနိုင်ငံများတွင်ဗုဒ္ဓဘာသာ
နိုင်ငံများ၊ဟိန္ဒူနိုင်ငံများ၊ခရစ်ယာန်နိုင်ငံများမွတ်စလင်နိုင်ငံများ..အစုံပါရှိသည်ကိုတွေ့ရသည်။
အီရန်ရှိမွတ်စလင်ခေါင်းဆောင်ကြီးအာဃာတုလ္လာကိုယ်တိုင်
တရားစခန်းအတော်များများတွင်တရားထိုင်ခဲ့သည်။
ဆရာကြီးဦးဂိုအင်ကာသည် ပဋိပတ္တိသာသနာတော်ကိုတစ်ကမ္ဘာလုံးသို့
အကျယ်ပြန့်ဆုံးသာသနာပြုနိုင်ခဲ့သောပါရမီရှင်ပုဂ္ဂိုလ်မြတ်ကြီးဖြစ်လေသည်။
ပရိယတ္တိသာသနာတော်ကိုလည်းဆရာကြီးဦးဂိုအင်ကာသည်
(၁၉၆၉)ခုနှစ်မှ(၂၀၀၃)ခုနှစ်ထိနှစ်ပေါင်း(၃၄)နှစ်အတွင်းဤသို့ကြီးမားကျယ်ပြန့်စွာသာသနာပြုခဲ့သည်ကို
လေ့လာသိရှိရပါသည်။
ရှေးဟောင်းဝိပဿနာစာပေနှင့်လည်းကောင်း၊
ဝိပဿနာနည်းနိဿရည်းနှင့်လည်းကောင်းသုတေသနအလုပ်လုပ်နိုင်ရန်အတွက်
အီဂတ်ပူရီအနီးတွင် ၀ိပဿနာသုတေသနအကယ်ဒမီတည်ထောင်ထားသည်။
ဗုဒ္ဓဘုရားရှင်၏မူရင်းဒေသနာတော်ဖြစ်သောပိဋကတ်(၃)ပုံနှင့်အဋ္ဌကထာ၊ဋီကာစာမျက်နှာငါးသောင်း
ခန့်ကျယ်ဝန်းသည့်စာပေကိုပါဠိပညာရှင်များအကူအညီဖြင့်
တည်းဖြတ်သုတ်သင်ပြီးလျှင်ကွန်ပြူတာလုံးရေများစွာဖြင့်ရိုက်လျက်နာဂရီအက္ခရာဖြင့်
အတွဲကျမ်း(၁၄၅)တွဲပုံနှိပ်ထုတ်ဝေသည်။
မူရင်းပါဠိကိုမြန်မာအက္ခရာများဖြင့်လည်းပုံနှိပ်လျက်မြန်မာမြန်မာနိုင်ငံပါဠိပညာရှင်များနှင့်
ကျောင်းတိုက်အသီးသီးသို့ဖြန့်ဝေပေးသည်။
ယခုအခါတွင်ပိဋကတ်(၃)ပုံအပြည့်အစုံကိုအင်္ဂလိပ်(ရိုမန်)အက္ခရာဖြင့်ပုံနှိပ်ထုတ်ဝေနိုင်ဖို့ကြိုးစား
အားထုတ်နေသည်။
ပါဠိဘာသာဖြင့်လည်းကောင်း၊
ဟီန္ဒီဘာသာဖြင့်လည်းကောင်း၊
အဓိပ္ပါယ်ဖွင့်ပြခြင်း၊တည်းဖြတ်ခြင်း၊ပုံနှိပ်ထုတ်ဝေ
ခြင်း၊အလုပ်များအပြင်ပိဋကတ်စာပေတစ်ရပ်လုံးကိုစီဒီရွမ်ထဲသွင်းပြီးသုတေသနပြုလုပ်ဖို့အတွက်ရှိ
သင့်ရှိထိုက်သောပရိုဂရမ်များကိုလည်းပြုလုပ်ပြီးဖြစ်ပါသည်။
ပါဠိပိဋကတ်စာပေတစ်ရပ်လုံးကိုဝက်ဗ်ဆိုက်၌လည်းလေ့လာဖတ်ရှု၍ရပြီဖြစ်ပါသည်။
အလွန်တရာကျယ်ပြန့်ကြီးမားလှသောပါဠိစာပေတစ်ခုလုံးကို
ဒေ၀ါနာဂရီ၊ရိုမန်၊မြန်မာ၊ထိုင်း၊သီရိလင်္ကာ၊ကမ္ဘောဒီးယား၊မွန်ဂို၊အဓိကအက္ခရာ(၇)မျိုးဖြင့်..ရှိနေသောပါဠိစာပေကိုကြည့်ရှုလေ့လာပြီးသုတေသနလုပ်နိုင်ကြပြီဖြစ်ပါသည်။
ယခုအခါတွင်အိန္ဒိယနိုင်ငံ၏ဝေဒ၊ဥပနိသျှဒ်၊ပုရာဏ်၊ဆမဂိုထိ၊ရာမာယဏ၊မဟာဘာရတနှင့်
ဂျိန်းအာဂမကဲ့သို့သောကျမ်းစာများကိုလည်း
အက္ခရာအချို့ဖြင့်ရှိနေစေရန်အတွက်ကြိုးစားအားထုတ်နေသည်။
ယင်းအစီအစဉ်ပြုလုပ်ပြီးပါကသုတေသီများအတွက်တစ်ဖက်စောင်းနင်းမဖြစ်စေဘဲ
ကြားကျကျနှိုင်းယှဉ်လေ့လာချက်ပြုလုပ်ခွင့်ရရှိလာကြလိမ့်မည်။
ဆရာကြီးဦးဂိုအင်ကာသည်(၁၉၇၁)ခုနှစ်တွင်ဆရာကြီးဦးဘခင်ကွယ်လွန်ပြီးလပိုင်းအတွင်း
ကမ္ဘာ့သာသနာပြုလုပ်ငန်းများကိုဆက်လက်ထိန်းသိမ်းလုပ်ကိုင်ရန်အတွက်
အိန္ဒိယနိုင်ငံ၊မွန်ဘိုင်း(ဘုံဘေ)မြို့တွင်ဆရာကြီးဦးဘခင်အထိမ်းအမှတ်ရန်ပုံငွေ
(SAYAJI U BA KHIN MEMORIAL TRUST)ကိုဖွင့်လှစ်ခဲ့လေသည်။
မွန်ဘိုင်း(ဘုံဘေ)မြို့၌ငွေကုဋေ(၁၀၀)ကျော်အကုန်အကျခံပြီး(၃၂၅)ပေဉာဏ်တော်အမြင့်ရှိသော
ရွှေတိဂုံစေတီတော်နှင့်ပုံစံတူစေတီတော်တစ်ဆူကိုလည်းတည်ခဲ့သည်။
ယင်းစေတီတော်အတွင်းရှိကျယ်ပြန့်သောအခန်းကြီးထဲတွင်
လူမျိုးမရွေး၊ဘာသာမရွေး၊ယောဂီပေါင်း(၈၀၀၀)နှင့်
ရင်ပြင်ပေါ်တွင်ယောဂီပေါင်း(၂၀၀၀၀)တစ်ပြိုင်တည်းတရားထိုင်နိုင်သည်။
ဆရာကြီးဦးဂိုအင်ကာကလယ်တီဆရာတော်ဘုရားကြီး၊ဆရာသက်ကြီးနှင့်ဆရာကြီးဦးဘခင်တို့၏
အကန့်အသတ်မရှိသော အကြင်နာတရားတို့ကြောင့်
အိန္ဒိယနိုင်ငံသည်တန်ဖိုးမဖြတ်နိုင်သောဓမ္မတရားတော်နှင့်(၄၀)ကာလအတွင်း
ကမ္ဘာ့ဒေသအနှံ့အပြားတွင်ဝိပဿနာတရားတော်ကိုဖြန့်ဖြူးပို့ချပေးခဲ့ကြသည့်သူ
အပေါင်းတို့၏စိတ်တွင်လည်းဆရာကြီးဦးဘခင်အပေါ်ကျေးဇူးတင်သည့်စိတ်များပြည့်လျှံနေမည်ဟု
ဆိုထားပေသည်။
ဆက်လက်ပြီးဆရာကြီးဦးဘခင်နှင့်တကွသူတော်စင်ကြီးများ၏ဂုဏ်ကျေးဇူးတို့ကိုအောက်မေ့
သတိရသောအထိမ်းအမှတ်ကြီးအဖြစ်နှင့်ကြည်ညိုဖွယ်ရာ
ဤကမ္ဘာ့ဝိပဿနာစေတီတော်ကြီးကိုတည်ထားခြင်းဖြစ်ကြောင်း
ဖော်ပြမြွက်ဆိုခဲ့ပါသည်။
ထေရ၀ါဒဗုဒ္ဓသာသနာအတွက်ကမ္ဘာ့ဝိပဿနာတရားပြရာကြီးဦးဂိုအင်ကာ
သက်တော်ရာကျော်ရှည်ပါစေကြောင်းဆုမွန်ကောင်းတောင်းလိုက်ပါသည်။
(ဤဘလော့ခ်ပို့စ်ကိုဆရာကြီးဓမ္မယစရိယဦးဋ္ဌေးလှိုင်၏ဓမ္မဒူတ(ဒု-တွဲ၊တ-တွဲ)နှင့်ဆရာကြီးပါရဂူ
၏၀ိပဿနာစရိယရှရီဆတျနာရာယဏာဂျီ၏အတ္ထုပတ္တိအကျဉ်းစာအုပ်တို့မှကောက်နုတ်ရေးသားပါသည်)
ချမ်းသာပါစေ..
အေးငြိမ်းပါစေ..
သံသရာဝဋ်ဆင်းရဲမှ..လွတ်မြောက်နိူုင်ပါစေ..။
လမင်း
Rangon Time
magicsnow260205.gif)
.gif)
လမင်း
