နံနက်သဘင်

           နံနက်ခင်းဝယ်
မိုးမင်းဗျူဟာ ၊ ဆုတ်တုံ့ ခွာသော်
ရာဇာပီပီ ၊ နေနီနီသည်
နေခြည်သရေ ၊ ဖြန့် လွှတ်ဝေ၏။

တေးတျာချိုနု ၊ ငှက်ဆွေစုသည်
ညုတုံ နွဲ့ တုံ ၊ ၀ိုင်းတော်ချုံမှ
တီးဗုံ ပတ်သား နှဲတံမြွာသို့ 
ညံစာကြွေးရင့် တင့်လည်းတင့်၏။

ဝင်းဝင်းပြိုးပြောင် ၊ ဒီ ပညောင်မှာ
နေရောင်ပြေးလျှပ် ငွေရောင်ခတ်သော်
မိုးနတ်သူဇာ ဒီအခါဝယ်
ဘုံသာဆောင်မှ ဆင်းလာကြွပြီး
သီ က နေမည် ထင်မိ၏ ။

ဂန္တလောက အတွဲ ၁၅ အမှတ် ၈၅ ဖေဖော်ဝါရီ၁၉၃၂